ЭРДЭМ ШИНЖИЛГЭЭНИЙ ИЛТГЭЛИЙН ТЭМЦЭЭНИЙ
УДИРДАМЖ

Санаачлагч: МОНГОЛЫН ОЛОН УЛСЫН АРБИТР
Хамтран зохион байгуулагч: Монголын Хуульчдын Холбоо, Шихихутуг Их Сургуулийн төгсөгчдийн холбоо, Санхүү Эдийн Засгийн Их Сургууль, СИТИ Их Сургууль.

Зорилго: Монголын Үндэсний Худалдаа Аж Үйлдвэрийн Танхимын дэргэдэх Монголын Олон Улсын Арбитраас шүүхийн бус журмаар маргаан шийдвэрлэх талаар оюутнууд болон эрдэмтэн судлаачдын онол-практикийн мэдлэгийг гүнзгийрүүлэх, бие даан эрдэм шинжилгээ, судалгааны ажил хийх дадал эзэмшүүлэх, судлаачдын бүтээлч сэтгэлгээ, шинжлэх ухаанч хандлагыг нэмэгдүүлэх, арбитрыг олон нийтэд сурталчлан таниулах, шүүхийн бус журмаар маргаан хянан шийдвэрлэх ажиллагааны хөгжил, цаашдын чиг хандлагыг тодорхойлох, бодлогын тулгамдаж буй зарим асуудлыг шийдвэрлэх арга замыг тодорхойлоход оршино.

Хамрах хүрээ: Эрдэмтэн, судлаач, их, дээд сургуулийн оюутан

Сэдэв:

• Арбитраар маргаан шийдвэрлэх нь
• Шүүхийн бус журмаар маргаан шийдвэрлэх нь

Тавигдах ерөнхий шаардлага:

1. Энэхүү удирдамжид заасан сэдвийн хүрээнд судлаач илтгэлийн сэдвээ чөлөөтэй сонгоно. Сэдэв нь онол-практикийн хувьд тулгамдсан байх шаардлагыг хангасан байх бөгөөд олон улсын харьцуулсан судалгаан дээр үндэслэсэн байна.
2. Өмнө хэлэлцүүлэгт ороогүй, нийтлэгдээгүй байх
3. Судалгааг үндэслэлтэй, чанартай хийж гүйцэтгэхийн тулд мэргэжлийн тэнхим болон багшийн туслалцаа, зөвлөгөөг авч болно.
4. Эрдэм шинжилгээний бүтээлд хамтарсан (2 хүртэлх хүн) болон ганцаарчилсан байдлаар оролцож болно.
5. Эрдэм шинжилгээний бүтээлийг А4 хэмжээтэй цаасан дээр мөр хоорондын зай нь 1.15, Arial фонтоор, 12 хэмжээтэй бичсэн байна. Бүтээл нь 10 хүртэл хуудас /нүүр/-тай байна.
6. Эшлэл, зүүлтийг тухай бүрд нь хийхийн зэрэгцээ нийтээр хэрэглэж заншаагүй товчилсон үг, мэргэжлийн хэллэгийн тайлбарыг хийсэн байна.
7. Бүтцийн хувьд бүтээл нь:
   • Оршил хэсэг
   • Үндсэн хэсэг
   • Харьцуулалтын хэсэг
   • Дүгнэлт хэсэг
   • Ашигласан материал, ном зүй

Хугацаа: Бүтээлийн шалгаруулалт хоёр үе шаттай байна.

Эхний шалгаруулалт: Бүтээлийг 2021 оны 12 дугаар сарын 10-ны өдрийн 1700 цаг хүртэл МҮХАҮТ-н дэргэдэх Монголын Олон Улсын Арбитрын байранд хүлээн авна. Илтгэлийг цахим хэлбэрээр This email address is being protected from spambots. You need JavaScript enabled to view it. цахим хаягаар ирүүлэх боломжтой. Эхний шалгаруулалтын хариуг 2021 оны 12 дугаар сарын 17-ны өдөр Монголын Олон Улсын Арбитрын олон нийтийн сүлжээгээр мэдээлнэ.

Хаяг: Улаанбаатар хот, Хан-Уул дүүрэг,
15-р хороо, М.Гандийн гудамж,
МҮХАҮТ-ын байр 504 тоот
Утас: 7011-1545
Цахим шуудан: This email address is being protected from spambots. You need JavaScript enabled to view it.; This email address is being protected from spambots. You need JavaScript enabled to view it.

Хоёр дахь шалгаруулалт: Эхний шалгаруулалтад тэнцсэн шилдэг бүтээлүүдийг 2021 оны 12 дугаар сарын 24-ний өдрийн 1000 цагт МҮХАҮТ-ын “Conference hall”-д тогтоосон дарааллын дагуу хэлэлцүүлэн шилдгийг шалгаруулна.
Эрдэм шинжилгээний бүтээлийг шалгаруулах шүүгчид нь МҮХАҮТ-н дэргэдэх Монголын Олон Улсын Арбитрын арбитрч, ажлын албанаас томилсон гишүүдээс бүрдэнэ.

Бүтээлийг хэлэлцүүлэх: Хоёрдугаар шатанд оролцохоор шалгарсан бүтээлийг илтгэл (PPT ашиглан)-ийн хэлбэрт оруулан бэлтгэж 7-9 минутад багтаан илтгэнэ. Илтгэлийн дараа бүтээл бүрийг 5 минутад багтаан асуулт, хариултаар хэлэлцэнэ.

Шилдэг бүтээлийн шалгуур үзүүлэлт:

Илтгэгчийг дүгнэх шалгуур:

1. Илтгэх чадвар;
2. Сэдвийг өөрийн болгож чадсан байдал;
3. Цаг ашиглалт;
4. Асуултад оновчтой хариулах чадвар;

Илтгэлийг дүгнэх шалгуур:

1. Шинэ санаа, оновчтой шийдэл, сэдвийн ач холбогдол;
2. Логик дэс дараалал;
3. Асуудалд үндэслэлтэй хандаж буй байдал;
4. Цуглуулсан мэдээлэл нь үнэн зөв эсэх, мэдээллийн эх сурвалжийг зөв тодорхойлсон эсэх;
5. Судалгааны аргыг оновчтой хэрэглэсэн байдал;
6. Тавьсан зорилгодоо хүрсэн эсэх;

Шагнал урамшуулал: Хоёрдугаар шатанд оролцсон илтгэлүүдийг шүүгчдийн бүрэлдэхүүний өгсөн нийлбэр оноогоор байр эзлүүлэн шагнаж, урамшуулна.

1. I байр Өргөмжлөл 2.000.000 төгрөг
2. II байр Өргөмжлөл 1.500.000 төгрөг
3. III байр Өргөмжлөл 1.000.000 төгрөг
4. Тусгай байр Өргөмжлөл 500.000 төгрөг

ЖИЧ: Уралдаанд ирүүлсэн илтгэлүүд нь Монголын Олон Улсын Арбитрын өмч болох ба тус арбитрын зөвшөөрөлгүйгээр хувилах, хэвлэн нийтлүүлэхийг хориглох бөгөөд ирүүлсэн бүтээлүүдийг эмхэтгэл болгон гаргана.